AZKEN BERRIAK

AZKEN BERRIAK

1 2 3 4 5 6 7

200 pertsonetik gora bildu ziren berako XI. mendi egunean

200 pertsonetik gora bildu ziren aurreko larunbatean ospatu zen hamaikagarren Berako Mendi Egunean. Xabier Zubieta, Loro Pikabea eta Xabier Saralegiren omenez, Manttale eta Agerra Mendi Taldeak antolaturik, eguna ezin hobe joan zen, euririk gabe eta ekintza ugarirekin. Hala nola goizean eskalada tailerra egin zen eta arratsaldean ibilaldia, kronoeskalada eta diapositiba proiekzioa.


5.5 kilometro dituen Santa Barbarako binakako erlojuaren kontrakoan 51 bikote eta hirukotek parte hartu zuten, Rikardo Baroja eskola paretik irtenda. Hau baino lehen, 50 pertsona inguru bildu ziren ibilbide berdina oinez egiteko. Haurrentzako lasterketak ere egon ziren.


Erlojuaren kontrakoa eta gero, partaide guztientzako berendua eta sari zozketa egin ziren Rikardo Baroja eskoleko jangelan.


Goizean zehar, polikiroldegian eskalada tailerra egin zen eta bertan 70 bat haurrek parte hartu zuten. Talde txikitan banatuta, eskaladaren munduko hainbat ekintza egin ahal izan zituzten, boulderra, rappela e.a


Eta azkenik, egunari amaiera emateko, Kultur Etxean Pitxi Egilorren eskutik diapositiba proiekzioa egon zen. Pitxik bere mendi esperientziak kontatu zituen, Piriniotako bere lehenengo hurratsetatik, 1992. urtean Everest mendira igo zen arte.


Argazkiak & Sailkapenak

BERAKO XI. MENDI EGUNA URTARRILAREN 13AN IZANEN DA

Taillon mendian, 2007. urtean zendu ziren Loro Pikabea, Xabier Zubieta eta Xabier Saralegiren omenez Beran ospatzen den Mendi Eguna urtarrilaren 13an izanen da, larunbata, aurten XI. edizioa izanen delarik. Agerra Mendi Taldeak eta Manttale Mendi Lasterketa Taldeak prestatutako programa goizeko 10etan hasiko da Toki Ona polikiroldegian haur eta nerabeentzako eskalada tailerrarekin.14.15 etan Rikardo Baroka Eskolako arkupeetan, izen emateak irekiko dira Santa Barbarako txangoan eta bikotekako kronoeskaladan parte hartzeko, biak irteera polikiroldegiko esplanadan izango dutelarik.


Santa Barbara mendi tontorretik pasata abiapuntura itzuliko dira 5,5 kilometroko ibilbide bat burutuz. Txangoa 15etan hasiko da eta kronoeskalada 15.30tan. 12 urte bitartekoentzako lasterketak 15etan hasiko dira. Kronoeskaladan nai duen orok parte har dezake baina 16 urte baino gutxigokoek heldu batekin joan beharko dute derrigorrez.Kronoeskalada eta Txangoaren ondoren, Rikardo Barojako jangelan luntx bat egonen da parte hartzaile guztientzat, eta hau bukatzerakoan zozketa bat eginen da.Ondoren 19.30tan kultur etxean Entre los Pirineos y el Himalaya projekzioa egonen da Pitxi Egillorren eskutik.


Azken hau, Everest mendia igo zuen lehen nafarra da, duela 25 urte Patxi Fernandezekin batera eta Andeetan eta Himalayan izandako esperientzia kontatuko du. Egillorrek (Pamplona, 1948) urtero parte hartzen du Berako Mendi Maratoian eta maiz izaten da korrikalaririk beteranoena.

XI. MENDI EGUNEKO EGITARAUA

10:00-12:30: Eskalada tailerra. Haur eta gaztetxoentzako. Toki Ona kiroldegian.


14:15-15:00: Izen ematea eta dortsalen banaketa. Rikardo Baroja Eskolako aterpean.


15:00: Santa Barbara txango gidatua. Ibilbidea 5,5km. Kiroldegia-Santa Barbara-Kiroldegia.


15:30: Bikanako kronoigoera. 16 urte beherakoek, heldu batekin lagunduta joan beharko dira.


18:00: Luntx-a eta zozketa. Rikardo Baroja Eskolan. Mendi irteerako, parte-hartzaile eta haur-en artean.


19:30: BIDEO EMANALDIA. PITXI EGUILLOR-EN ESKUTIK. Pirineoak eta Himalaya artea izeneko bideo-emanaldia.

KARTELAK IKUSI

MENDI EGUNAREN ETA MARATOI ERDIAREN DATAK

XI. Mendi eguna, Urtarrilaren 13an ospatuko da.


Berako Mendi Maratoi Erdia apirilaren 15ean ospatuko da.


GUILLAUME LEVOYK ETA JONE ZELAIETAK IRABAZI DUTE IV. BERAKO GAU LASTERKETA

Guillaume Levoy eta Jone Zelaietak lehenbiziko aldiz irabazi zuten pasa den abuztuaren 1ean ospatu zen Berako Gau Krossa. Baionako eta Berako lasterkeariak erraztasunez gailendu ziren 125 partaide bildu zituen eta giro ezin hobean joan zen lasterketan.


Iñaki Mihura izan zen bigarren, iaz lehenengo sailkatua izan zena, eta Arantzako Dani Iparragirrek joan den urtean lortutako hirugarren postua errepikatu zuen.


Emakumezkotan Jone Zelaieta, Nerea Amilibiaren aurretik sailkatu zen, azken hau, aurreko bi urteetan garaile izan zelarik. Hirugarren postuan Pantxika Goikoetxea sailkatu zen.


Koadrilaka, bste urte batez kopurutsuena Ziñaurriak koadrilla izan zen, aurten gainera koadrilen sailkapenean ere lehenengo postua lortuz. Beraz txerrikumea eta urdiazpikoa jaso zuten sari bezala.


Lasterketa bukatzerakoan, luntx bat ospatu zen eta 5 frontal zozketatu ziren Ptzel markakoak.


Lerro hauen bitartez eskerrak eman nai dizkiegu, bolondres, Udal Etxe, babesle, eta ikusle guztiei.


Argazkiak & Sailkapenak
1 2 3 4 5 6